ja hali halo!

da ich ali dan brown büächer scho dure han, chan ich mich a di glich situation erinnere. am beschte han ich illuminati gfunde.

han i de letschtä 3 wuche drü wiiteri büächer dure lah, irgend wie bi allne büächer uf de suächi das äs so apannend sie chönt wie illuminati.

belladonna - karin slaughter:

thriller, zimmli realistisch, kei rücksicht uf tatsachä und drum mängisch zu detailliert bi gwalttate. das isch nid so das was mich voll aspricht, da s um vergwaltigungä gange isch. trotzdem spannend und ich han gmerkt, das s buäch vo ärä frau gschriebe isch, was würkli no interessant gsi isch.

ausgesetzt james w. nichol:

beschriftet mit, bestseller, kanadas beste thrillerautorin. han da allerdings chli höchi asprüch gsetzt und bin fascht chli enttosche gsi. s thema isch das än usgsetztä buäb wo är erwachse isch denn sini eltärä afangt suächä. interessant aber zum teil sinds für min gschmack chli vill vermuätige wo voll us de luft griffe sind und denn au no stimmed.

die physiker - friedrich dürrenmatt

han äs alts buäch vom vater usägrüblet und i eim tag gläsä. 80 site. mal öpis völlig anders, das ä alti version isch und mär us dem grund klar die sprachliche underschied merkt. durchus äs guäts buch wo mär über s eigentliche thema wo är aschniet chan drüber nahdenke unds nid grad so klar isch.

momentan lisi "ken follet - eisfieber" s erste kapitel seit mir bis jetzt, das äs wieder mal i mene schöne dütsch gschriebe isch, obwohl de autor vo england isch.

ganz schöns dütsch hät denn de frank schätzing druf. nach dan brown grad chli öpis anders gsi. "der schwarm - frank schätzing" isch äs guäts buäch aber wänns 300 siite weniger het und ali zwüschägschichtli zu de einzelne persone chürzer wäräd wärs na besser. 1000 siite sind denn eher chli vill.